4 կգ-ով նիհարելու 4 դիետա. news.am

Արդեն հունվար է, եւ ժամանակն է լրջորեն մտածելու ամանորյա հետեւանքների մասին: Այս հետաքրքիր դիետաները Ձեզ կօգնեն կարճ ժամանակամիջոցում նիհարել 4-5 կգ-ով: Սակայն նախքան դիետաներին անցնելը հիշեցնենք, որ դրանք յուրաքանչյուրի համար կարող են անհատական լինել, ուստի ստորեւ ներկայացված դիեատաները կարող են Ձեզ համար ինչ-ինչ պատճառներով անարդյունավետ լինել:

1. Ուտել խաղի սկզբունքով

Դուք կարող եք ուտել եւ անել ամեն ինչ, սակայն մի փոքրիկ փոփոխությամբ: Սննդի Ձեր ամբողջ բաժինը երկու մասի բաժանեք, կերեք մեկ բաժինը, իսկ մյուսը պահեք հաջորդ օրվա համար:

2. Ոչ մի բրդուճ

Մեկ շաբաթվա ընթացքում կերեք առողջ բաղադրիչներով միայն երեք տեսակի ճաշատեսակ եւ հրաժարվեք բոլոր տեսակի բրդուճներից: Օրինակ՝ սպիտակուցի փոքրիկ չափաբաժինը, բանջարեղենի եւ մրգերի մեծ չափաբաժինները, բրնձի, հացահատիկի կամ էլ կարտոֆիլի մեկ չափաբաժինն ու մի քիչ էլ կաթնամթերքը բավական են:

3. Սնվեք ճապոնական սկզբունքով

Ճապոնական Օկինավա պրեֆեկտուրայում մարդիկ դադարում են ուտել, երբ արդեն 80 տոկոսով կուշտ են լինում: Դուք էլ կարող եք այս սկզբունքով սնվել՝ Ձեր սննդակարգում սովորական մսի փոխարեն ավելացնելով ձուկ, բջջանյութով հարուստ հացահատիկ եւ, օրինակ, կարտոֆիլի փոխարեն բրինձ: Վերջում կարող եք զբոսնել: Կալորիայի հսկողությունը, առողջ սնունդն ու վարժությունները կրճատում են սրտի հիվանդությունների եւ քաղցկեղի հավանականությունը:

4. Հրաժարվեք շաքարավազից

Մի ամբողջ շաբաթ հրաժարվեք բոլոր տեսակի շաքարներից: Այդժամ Դուք կհասկանաք շաքարի բացասական ազդեցությունը նույնիսկ ամենաառողջ սննդակարգի վրա:

Հարցեր, պատասխաններ, մեկնաբանություններ